الاثنين، 26 ديسمبر 2011

عن موقع سودان واحد

بسم الله الرحمن الرحيم 
والصلاة والسلام على اشرف الانبياء والمرسلين
وبعد

تم انشاء هذا الموقع كفكرة بسيطة لمسابقة "فكر معنا"  القائمة بواسطة شركة سوداتل وقد كانت الفكرة في مخيلتي منذ عامين ولكني لم اجد الدعم المناسب لاطبق الفكرة حتى اعلنت سوداتل عن بحثها عن افكار جزاها الله عنا كل خير وكلي ثقة باننا سنستفيد منه جميعا ايما فائدة .. وفقنا الله واياكم لما يحبه ويرضاه.

 معتز عبدالله احمد عمر 
ديسمبر 2011 

الجمعة، 9 ديسمبر 2011

حبابكم عشرة في سودان واحد

بسم الله الرحمن الرحيم
والصلاة والسلام على اشرف الانبياء والمرسلين 
حبابكم عشرة
عشان كل سوداني في اي مكان 
عملنا موقع سودان واحد
لو في اي لحظة لقيت نفسك ما عارف اجراء معين: حتلقى التفاصيل هنا
لو في حتة ما عارفها وين: حتلقى موقعها في الخريطة ومواصلاتها هنا
لو داير صيدلية شغالة 24 ساعة: حتلقى رقمها ومكانها هنا
لو داير تشتري بيت ول تأجر ول تشتري أرض: حتلقى محلات العقارات وتلفوناتها هنا
لو داير تلفون اي حته مهمة او تلفون طوارئ او اي تلفون ممكن تحتاج ليهو: حا تلقاهو هنا
لو داير بنشر بيشتغل 24 وعشرين ساعة او بنشر عادي او عايز تأجر عربية او ليموزين او داير اسبير عربية وما عارف: تعال هنا
لو عايز تجيب تلفون لكن ما عارف تشتري ياتو تلفون لانك ما عارف تختار ياتو شركة اتصالات ول تشتري ياتو جهاز: تعال هنا حنوريك الاجهزة كلها ومواصفاتها و ومميزات كل شركات الاتصالات في السودان.
لو عايز تطلع جنسية او بطاقة شخصية او رقم وطني او عايز توثق حاجة وما عارف الاجراءات والمستندات المطلوبة: حا تلقاها هنا.
لو ما عارف الانترنت دا شنو والبريد الالكتروني دا منو : تعال هنا وحنوريك بمنتهى البساطة الاساسيات الحا تقدر تشتغل بيها وتتصفح كل المعلومات.
ودا
دا كلو كوم
وانك ممكن تنزل برنامج في الموبايل فيهو كل حاجة هنا كوم تاني
يعني ما حتحتاج نت زاتو...
خليك معانا..

سودان واحد ..